Павел Севярынец
Каменнае сэрца
«Каменнае сэрца» – зборнік эсэ палітыка, журналіста, пісьменніка, публіцыста і палітвязня Паўла Севярынца, напісаных на «сутках», «хіміі» ў папярэднія перыяды зняволення па крымінальных справах. «Лісты з лесу» сталіся вынікам працы на лесанарыхтоўцы ў в. Малое Сітна Полацкага раёна (2005-2008), «Беларуская глыбіня» пісалася ў в. Купліна Пружанскага раёну (2011-2013). Калі ў першай аўтар пераважна апісваў жыццё ў глыбінцы, то ў другой кнізе распавядаў не толькі пра адметнасці Пружаншчыны, Берасцейшчыны, а шырэй – пра лёс Беларусі і яе народа, пра выбітных дзеячаў культуры, палітыкі, навукі. Упершыню Павел Севярынец быў арыштаваны ў межах крымінальнай справы ў 1998 г. і два месяцы правёў у сталічным СІЗА №1. Быў вызвалены пад ціскам беларускай і міжнароднай грамадскасці, а крымінальная справа была закрытая без тлумачэнняў. Пра знаходжанне ў Пішчалаўскага замку распавядае ў «Валадарскай баладзе». З чэрвеня 2020 года Павел Севярынец зноў за кратамі. Яго абвінавацілі ў нібыта падрыхтоўцы ва ўдзеле ў масавых беспарадках і пакаралі 7-мю гадамі пазбаўлення волі. Лаўрэат літаратурных прэмій Беларускага ПЭН-цэнтра імя Алеся Адамовіча, імя Францішка Аляхновіча, прэміі «За свабоду думкі» імя Васіля Быкава. Чытае: В. Шэры
All rights reserved
Sign up to track rankings and reviews from Spotify, Apple Podcasts and more.