Уладзімір Караткевіч
Каласы пад сярпом тваім. Кніга першая. Выйсце крыніц
Адзін з найбольш значных твораў беларускай літаратуры. У 2016 годзе раман «Каласы пад сярпом тваім» быў прызнаны чытачамі самай важнай кнігай, якая паўплывала на развіццё беларусаў як нацыі. Раман прысвечаны часу напярэдадні паўстання 1863-1864 гадоў у Беларусі. Складаецца з дзвюх частак: «Выйсце крыніц» і «Сякера пры дрэве». Падзеі адбываюцца на Магілёўшчыне, Гродзеншчыне, у Вільні, Пецярбурзе, Маскве, Варшаве – у сялянскім асяроддзі і ў дваранскіх палацах, на студэнцкіх сходках і ў навучальных установах, у салонах і гасціных вышэйшых саноўнікаў і на вуліцах шматлюдных гарадоў. Акрамя літаратурных персанажаў, народжаных фантазіяй аўтара, ёсць і рэальныя гістарычныя асобы. Крытык Дзяніс Марціновіч у адным з інтэрв’ю назваў раман культавым, сімвалам свайго часу: «Караткевіч адкрыў Беларусь, чыя гісторыя была схаваная ў цёмны пакой на доўгія дзесяцігодзьдзі» Валянціна Андрэева рыхтаваўшы першую непадцэнзурную публікацыю рамана, адзначыла: калі вы чыталі «Каласы» да 2014 года, то вы чыталі іх у падцэнзурнай савецкай версіі. З таго часу раман павялічыўся на 25% і вярнуў сабе многае з таго, што было выкраслена ідэолагамі. Аўдыяверсія створаная камандай праекту «Кніжны воз». Аўтарка ідэі і ўкладальніца – Алеся Сёмуха. Рэдактары запісу – Сяргей Шупа, Галя Костка. Музыка – Вольга Падгайская. Апрацоўка гуку – Аляксандр Зелянеўскі.Увага! Рэкамендуецца для праслухоўвання дзецям, старэйшым за 14 гадоў, альбо ў прысутнасці дарослых. Чытаюць: Галя Костка, Аляксандр Леановіч
All rights reserved
Sign up to track rankings and reviews from Spotify, Apple Podcasts and more.